Tags

, ,

नेपालमा रहेका साथीभाईहरु जो ब्रायन एडम्सको गीत-सँगीतलाई माया गर्छन र उनको एक झलकको लागी आफ्नो मासिक कमाईको केही हिस्सा रकम महँगो टिकटको निम्ति खर्चिन तयार छन्, उनीहरुको लागी भोलि नेपालमा हालसम्म आएका एकमात्र अन्तराष्ट्रिय गायक कलाकारको स्वरमा झुम्ने अवसर प्राप्त हुनेछ।

Bryan Adams in Nepal

साच्चैनै यो कन्सर्टले नेपालको ख्याति अन्तरराष्ट्रिय स्तरमा पुर्याउन सहयोग पुग्नेछ किनभने ब्रायन एडम्स साच्चैनै बिश्वचर्चित कलाकार हुन र उनको नेपाल आगमनलाई बिदेशी मिडियाहरुले प्रमुखताका दिनेछ जसको कारण नेपालले आफूलाई अझ बढि विश्वसामु चिनाउन सक्नेछ।

म पनि ब्रायन एडम्सको एक प्रमुख शुभेक्छुक (फ्यान)  हुँ। मलाई याद भएसम्म शायद मैले ब्रायन एडम्सको पहिलो गित आइ. एस्सी. पढ्दाताका सुनेको हुँ र उनको मैले सुनेको पहिलो गित सायद Please Forgive me.. हुनुपर्छ र यो गित एउटा Just for you भन्ने एल्बममा थियो जुन त्यतिवेला निकैनै चर्चित थियो र भर्खर अँग्रेजी गित सुन्न पल्केका हरुको लागि पहिलो रोजाईको एल्बम पनि थियो, सायद सरल शब्दहरु रहेका तत्कालीन हिट गीतहरुको कम्पाईलेसन एल्बम भएर हुनसक्छ।  त्यसपछि नै बिस्तारै अँग्रेजी गित र गायकहरु प्रतिको मेरो चासो बढ्न थाल्यो। क्रमश: ब्रायन एडम्सका सफ्ट रक गितहरुबाट बिस्तारै मेरो सँगीतको रुचि रक र हेभी मेटलतिर बढ्न थाल्यो र अझै पनि शुरुका दिनहरुमा फेबरेट लाग्ने गायक र ब्यान्डहरु जस्तै ब्रायन एडम्स, मेटालिका, गन्स एन्ड रोजेज, लेड जेप्लिन, डिप पर्पल,  द बिटल्स, स्करपियन्स आदि अझै पनि उत्तिकै प्रिय लाग्छन्, ति चाहे सफ्ट रक, हेभी मेटल, रक एन्ड रोल वा पप नै किन नहोस्।

सँगीतको कुनै भाषा र सँस्कुति हुदैन, सुन्दा मेलोडियस लाग्ने जुनसुकै भाषाको सँगीतले हामीलाई लोभ्याउन सक्दछ। उदाहरण स्वरुप म सर्बप्रथम दक्षिण कोरीया आँउदा कोरियन सिनेमाहरु नेपालमा रहँदा केहि फ्याट् फुट्ट हेरेपनि यहाँको सँगितको बारेमा केहि ज्ञान थिएन। तर आजकल यहाँका पनि केहि सँगीतहरु मलाई मनपर्छ र सम्पूर्ण शब्दहरु नबुझेपनि सँगीतको मेलोडीले कता कता तानिरहेको हुन्छ। त्यसैले ब्रायन एडम्सको नेपाल आगमनलाई पाश्चात्य सँगीतको प्रभावको रुपमा नबुझेर यसलाई नेपाललाई अन्तराष्ट्रिय कलाकारहरुको गन्तव्यस्थलको रुपमा परिणतगरी उनीहरुको सँगीत र बिश्वब्यापिकरणको फाईदा लिई नेपाल पर्यटन बर्ष २०११ र नेपाली पर्यटन क्षेत्रलाई दिर्घकालीन रुपमा सफल पार्ने रणनितिको रुपमा निर्माण गर्न सकिन्छ।  

शायद नेपालमा भएको भए जसरी भएपनि कन्सर्टमा साथीहरुसँग झुम्ने वातावरण बन्थ्यो होला तर यहाँ रहेर भएपनि भोलि दशरथ रँगशालामा ब्रायन-सँगीतमा झुम्न जाने सम्पूर्ण साथीहरुलाई शुभकामना र ब्रायन एडम्सका Everything I do..,  Summer of 69′,  Heaven,  Here I am, Please forgive me..,  Let’s make a night to remember..,  Run to you आदि र अन्य चर्चित गीतहरु सुन्दै आफ्नो प्रिय गायकलाई आफ्नो आँखा अगाडी देख्ने मौका पाउने साथीहरुलाई बधाई!!!

अन्त्यमा, ब्रायन एडम्सका धेरै चर्चित गीतहरुमध्ये मलाई मनपर्ने Heaven यहाँ राखेको छु।