हिजो राति छिट्टै निन्द्रा लागेकोले ९ बजेतिरनै ओछ्यानमा पल्टिएको थिए। तर रातिमा अवेरसम्म वस्ने वानीले हो या दिउँसोको थकाई चाडैनै मेटिएकोले हो राति १०.४५ बजेतिरनै ब्युझिएछु। त्यसपछि निदाउने प्रयास गर्दागर्दे पनि निदाउन सकिन। मस्तिस्कमा अनेक सोचाइहरु आऊन थाले। सोच्दासोच्दै यो ब्लगतिर मेरो ध्यान आइपुग्यो अनि सोचे ब्लग अपडेट नगरेको पनि धेरै समय भएछ, अब भोलि त जसरी भएपनि गर्नुपर्छ भनेर। साथै हालसालै नेपाली युनिकोड पनि राखेकोले नेपालिमै लेखने दृढनिश्चय पनि गरे।

लेख्ने भनेर कापिमा कलम दौडाउन शुरु त गरे तर अब माथीको प्रसंग सकेपछि के लेख्ने भनेर सोच्न वाध्य भए किनभने लेख्ने शिर्सक भेट्न मलाई सार्है गारो भयो। “के लेख्ने त?”-प्रश्न मनमा दौडिरह्यो। देशको बारेमा, आफ्नो बारेमा वा अन्य कुनै विशयमा। कुनै एक मुख्य विशय रोज्न गारो भयो किनँभने ब्लग पढ्ने साथीहरु सबै देशको स्थितिसँग भलिभाति परिचित हुनुहुन्छ। मलाई लाग्छ बिदेशमा बस्ने सम्पुर्ण साथीहरुले सायद कम्प्युटर अगाडि छ भने प्रत्येक १०।१५ मिनेटमा नेपाली समाचारका साईटतिर आँखा पक्कै पनि दौडाउनु हुन्छ होला। फेरी आफ्नो बारेमा लेख्न त कुनै कुरा हुनु संभबनै थिएन किनकि मेरो कुरा त के नै पो छ र?, उही सधैको ब्यस्तता-“अनुसन्धान र पढाईको नाममा” नयाँ कुरा केहिपनि थिएन।

सोच्दासोच्दै र लेख्दिन भन्दाभन्दै पनि दिउसोँ पढेको एउटा समाचार झट्ट याद आयो-“कैलाली भिडन्त”। अनि सोच्नथाले देशमा संविधान बनाउन भनेर जनताले पठाएका नेताहरु एक आपसमा लड्नमा ब्यस्त छन्। देश रोइरहेछ। जनता महँगीले आकुल ब्याकुल भइसके तर यि नेता भनाउदाहरु सताको लुछाचुडीमा ब्यस्त छ्न। फेरि यो अबस्था ल्याउनमा को दोसी त भनेर केलाउन थाले। “को छ त बढी दोशी?” दिमागमा जोड दिदा कुनै एकको नाम आएन। सबै पार्टी एउटै ड्याङका मुला हुन् भन्ने निश्कर्समा पुग्न पनि मलाई त्यति गारो भएन। नेपालका तिन ठूला दलहरु एकिकृत ने.क.पा.(माओबादी), नेपाली काङ्ग्रेस र ने.क.पा.(एमाले) नै यो स्थिति ल्याउनमा महत्वपूर्ण दोशी हुन् भन्ने निश्कर्समा पुगे किनभने नेपाली राजनितिका महत्वपुर्ण खेलाडिहरु यिनै हुन्। अब यि तिन दलहरुलाई कसले,कसरी र कुन रुपले हेर्छ भन्ने कुराचाँहि व्यक्तिपिच्छेको राजनितिक आस्थामा भर पर्छ। त्यहि रुपले पाठकहरुले पनि केलाउनु होला।

मैले माथी लेखे अनुसार देशको यो अवस्था ल्याउनमा तिनै राजनितिक दलहरु जिम्मेवार छन् तथापि मलाई अस्ति भर्खरको “कैलाली घटना” सम्झन मन लाग्यो। यो घटनामा एकिकृत ने.क.पा.(माओबादी)ले जुन रुपमा आफ्नो भूमिका खेल्यो, त्यो अत्यन्त गैरजिम्मेवारपूर्ण थियो किनँभने अब एकिकृत ने.क.पा.(माओबादी) एउटा क्रान्तिकारी दल मात्र नभएर मुलधारको एउटा सबैभन्दा ठूलो पार्टि हो। जसरी कैलाली घटनामा घटाईयो त्यसमा उनीहरुले देशलाई पछाडि लान खोजेको आभास हुन्छ। ति बिचरा सुकुम्बासीहरुलाई उचालेर त्यो घटना घटाएर जुन आफ्नो सता गुमेको तृस्णा थियो, आखिर त्यो गरिबहरुले रगतले चुकाउनु पर्यो। त्यँहा जुन किसिमले जग्गा अतिक्रमण गर्न खोजिएको थियो, मलाई लाग्छ त्यो सरासर गलत प्रक्रिया थियो। सायद त्यो गरिब सुकुम्बासीको आडमा सरकारसँग निउ खोज्ने एउटा खतरनाक सड्यन्त्र मात्र थियो। आखिरमा त्यो सड्यन्त्रको सिकारचाँही सोझा साझा जनता र पुलिसका सामान्य जवानहरुले चुकाउनु पर्यो। अन्त्यमा, हाम्रा देसका नेताहरुलाई भगवानले सद्बबुद्दि प्रर्दान गरुन र छिट्टै संविधान लेखून भन्नु सिवाय हामी जनताले के नै भन्न सक्छौ र?……..अस्तु।।।।।।।।।।।

र अन्त्यमा, मेरो संसार ब्लगबाट साभार गरेको यो माओवादी बन्दको दृश्य….बन्द सफल पार्न यि कलिला हातहरु प्रयोग गरीएको छ। यसले यिनिहरुको बाल मनस्थितिमा के छाप पर्छ। त्यो बन्दकर्ताहरु नै जानून। 

माओवादीको बन्दको दृश्य